Zjarri që plasi dje në ullishtën në Bashbylyk dhe që dogji me dhjetra rrënjë të vjetra ulliri, është pasojë e pakujdesisë njerzore ose i qëllimshëm, tregojnë të dhënat e para jozyrtare. Zjarri plasi rreth orës 14.00 dhe i ndihmuar nga era e fortë u përhap menjëherë në një sipërfaqe të madhe, duke djegur çdo gjë në rrugën e tij. Përveç zjarrfiksëve në shuarjen e tij janë të angazhuar edhe mjetet e ndërmarrjes së ujësjellësit si dhe qytetarët e shumtë të Ulqinit. Zjarri vazhdon të jetë aktiv dhe megjithë angazhimin maksimal, akoma nuk është vendosur nën kontroll.