Filloi aksioni për kapjen e bagëtive të trasha
Prej tvteuta15:13, 24 Maj 2018
Problem i kafshëve endacake vazhdon të jetë akoma problem i pa zgjidhur dhe shumë rrezikshëm për grahësit e makinave ,sidomos në zonën e Plazhit të Madh në rrugën e Shtojit. Ky problem si duket do të zgjidhet me aksionin që ka paralajmëruar Policia Komunale. Kryeshefi Saubih Mehmeti, thotë se është i vendosur që këtë aksion ta çojë deri në fund por duhet të kenë mbështetje edhe të institucioneve relevante.
Aksioni për kapjen, trajtimin dhe marrjen e të gjitha masave administrative ndaj pronarëve të bagëtive të trasha që bredhin rrugëve është paralajmëruar se do të filloi sot. Fillimisht të gjitha kafshët e kapura do të vendosën përkohësisht në azilin e kafshëve në kushte të përshtatshme dhe pas skadimit të afatit ligjor kafshët e kapura të paidentifikuara do t’i nënshtrohen asgjësimit, gjegjësisht therjes sanitare. Këtë aksion do ta kryej Policia Komunale në bashkpunim me Sekretariatin për veprimtari komunale dhe mbrojtjen e ambientit, ndërmarrjen publike “Veprimtaritë komunale”, inspektorin e veterinarisë dhe Drejtorinë për pasuri të Malit të Zi.