Dhuroni dashuri për personat me autizëm
Prej tvteuta12:07, 5 Prill 2018
Autizmi është çrregullim i zhvillimit i cili paraqitet në përgjithësi në fëmijërinë e hershme. Çrregullimi karakterizohet me pengesa në të folur, komunikim të dobët, dhe paaftësi për aktivitete shoqërore dhe mungesë të interesit për botën për rreth. Psikologja klinike Liridona Bushati, në emisionin e mëngjesit “Ditë e re” foli për këtë fenomen i cili është përhapur tek një numër të madh i fëmijëve.
Se cili është shkaktari i autizmit, ende është e panjohur, por supozohet që mund të jetë dhe gjenetike. Kohëve të fundit shoqëria është duke u ndërgjegjësuar dhe personat autik pranohen më lehtë në shoqëri. Ajo apelon tek shoqëria që këtyre personave ti dhurojnë dashuri dhe përkushtim, se vetëm në atë mënyrë mund të kenë përmirësim.