Të mërkurën protestë për Valdanosin
Prej tvteuta10:00, 16 Shtator 2016
![](http://tvteuta.com/wp-content/uploads/2016/09/valdanosi4-110x96.jpg)
Mbrëmë në Sallën e madhe të Komunës së Ulqinit u mbajt tubimi në lidhje me kthimin e pronave në ullishtën e Valdanosit. Në tubim u vendos që të mërkurën e ardhshme para ndërtesës së administratës lokale të organizohet protestë.
Drejtori ekzekutiv i MOGUL-it Xhemal Peroviq i ftoi të gjithë që në mënyrë dinjitoze të protestojnë kundër kësaj padrejtësie. Pritet që me 21 shtator në Ulqin të qëndrojë edhe një delegacion i Qeverisë së Malit të Zi me qëllim bisedimet për kthimin e kësaj ullishte. Të gjithë folësit në tubimin e mbrëmshëm kanë vlerësuar se kjo çështje nuk është ligjore, por politike duke kritikuar posaçërisht deklaratat e kryeministrit Millo Gjukanoviq në lidhje me këtë çështje.