Qarkullimi i ndërmarrjeve vitin e kaluar në Mal të Zi ishte rreth 11.5 miliardë euro, që është rreth 1.5 miliardë euro më shumë se një vit më parë, tregojnë të dhënat e Monstat.

Nga kjo xhiro total në vitin 2023, gati pesë miliardë i referohen qarkullimit në tregtinë me shumicë dhe pakicë, ndërsa 1.1 miliardë i referohen xhiros në industrinë e ndërtimit dhe përpunimit.

Nga sektorët e tjerë, asnjëri prej tyre nuk i kalon një miliard euro në xhiro.

Monstat publikoi sot “Anketën Strukturore për operacionet e biznesit” në të cilën thuhet se qarkullimi i ndërmarrjeve në Mal të Zi në vitin 2023 ishte 11.6 miliardë euro.

“Vlera bruto e prodhimit në vitin 2023 ishte 7,9 miliardë euro, konsumi i ndërmjetëm ishte 4,4 miliardë euro dhe vlera e shtuar bruto ishte 3,5 miliardë euro”, thotë Monstat.