Kryeministri i Malit të Zi, Millojko Spajiq, u ka uruar drejtuesve dhe qytetarëve të Cetinës 13 nëntorin – Ditën e Çlirimit dhe Ditën e Kryeqytetit të Vjetër, duke theksuar se Cetina mbetet simbol i shtetësisë, kulturës dhe shpirtit liridashës të Malit të Zi. „Të vetëdijshëm për faktin e pamohueshëm se Cetina është themeli i shtetësisë, kulturës, shpirtërisë dhe traditës sonë, me përkushtim të plotë do të vazhdojmë të afirmojmë dhe nxisim të gjitha aktivitetet që do të forcojnë përfaqësueshmërinë e saj dhe ndikimin real në ekonominë kombëtare dhe në rrjedhat shoqërore e politike bashkëkohore,“ ka theksuar kryeministri. Ai ka shtuar se Cetina, duke kultivuar shpirtin liridashës, përmes vazhdimësisë së saj historike, dëshmon se mbetet në lartësinë e idealeve iluministe të shpallura shumë kohë më parë nga themeluesit e saj të lavdishëm dhe nga brezat e ndërtuesve – vizionarëve të saj. Kryeministri ka theksuar se edhe Cetina e sotme ruan atë frymë, me një qëndrim të qartë përballë sfidave gjeopolitike bashkëkohore dhe me orientimin e palëkundur evropian të qytetareve dhe qytetarëve të saj, si në aspektin vleror ashtu edhe në atë parimor. „Jam i bindur se edhe në të ardhmen do të përmirësojmë bashkëpunimin institucional dhe personal, me një ndjeshmëri të veçantë në përpjekjen tonë të përbashkët për të shëruar plagët që janë njësoj të dhimbshme për të gjitha qytetaret dhe qytetarët e Malit të Zi,“ ka porositur Spajiq. Ai përfundon duke theksuar se me çdo ditë që kalon do të forcojmë besimin e ndërsjellë, respektin dhe unitetin tonë, që na udhëheqin drejt një shoqërie drejtësie, gjithëpërfshirjeje dhe mirëqenieje ekonomike.