Kryetari i Partisë Demokratike të Socialistëve (DPS) Danijel Zhivkoviq tha se nëse ish-presidenti i shtetit dhe i PDS-së Milo Gjukanoviq arrestohet, përgjigja do të jetë radikale.

Kjo do të thotë se ne do të organizohemi mjaft mirë për të parandaluar plane të tilla”, tha Zhivkoviq për Radio Antena M. I pyetur nëse arrestimi i paralajmëruar mund të vendoset në kontekstin e frikës nga kthimi i PDS-së në pushtet, Zhivkoviq tha se nuk beson se ka ndonjë indikacion apo dyshim që mund të shkaktonte pretendimet në media se do të arrestohet Gjukanoviqi .

“Kur them “indikacione” e kam fjalën për prova apo fakte që do të tregojnë për këtë. Gjithashtu në intervistën e Gjukanoviqit kam dëgjuar se ai është kujdesur për atë që ka bërë në 30 vitet e fundit të marrjes me politikë, duke llogaritur se do të vijë një moment kur ata që prej kohësh dëshirojnë të prishin imazhin dhe veprën e tij, të jenë në gjendje që ndoshta të arrijnë qëllimin e tyre, tha Zhivkoviq.