Shoqata e ullishtarëve “Valdanosi”, nëpërmjet rrjeteve sociale ka njoftuar opinionin publik për fenomenin tejet negativ të vjedhjes së mbulesave të pusetave në rrugët e ullishtës së Valdanosit.

Nga kjo shoqatë thonë se jo të rrallë kanë qenë edhe aksidentet që kanë pëfunduar me lëndime dhe u bëjnë thirrje qytetarëve që të kenë kujdes gjatë lëvizjes në këtë zonë. Ata kanë numëruar 25 mbulesa të vjedhura  dhe lusin organet kompetente që të marrin masa për ti dhënë fund këtij fenomeni.