Kryetari i Komunës së Tuzit, z. Nik Gjeloshaj, kryetari i Kuvendit të komunës së Tuzit, z. Fadil Kajoshaj, pastaj drejtori i SH.P.K “Komunale-Tuz” z. Nikollë Camaj si dhe nënkryetaret e komunës së Tuzit z.Ivan Ivanaj dhe z. Haris Ramoviq, pritën dje në takim zëvendësministrin e punëve të jashtme të Republikës së Kosovës s, z. Anton Berisha. Gjeloshaj falenderoi z. Berisha për vizitën dhe interesimin e tij për komunën e Tuzit si dhe uroi që zgjedhjet parlamentare në Kosovë,  të zhvillohën në mënyrë sa demokratike dhe të qeta. Zëvendësministri Berisha, falenderoi udhëheqësinë e Komunës për mikëpritje si dhe u uroi  punë të mbarë në të mirë të vendit dhe banorëve.  Gjatë takimit, konstatim i përbashkët ishte që të vazhdohet bashkëpunimi dhe shkëmbimi i ideve dhe përvojave  në të mirë të banorëve të të dy vendeve.