Presidenti i Serbisë, Aleksandër Vuçiq, planifikon formimin e një partie serbe në Mal të Zi, e cila do ti bashkangjitet koalicionit qeverisës, pasi me Frontin Demokratik marrëdhëniet nuk janë aq të mira, thonë burime të pakonfirmuara pranë presidentit. Nga ky subjekt megjithatë kanë mohuar këto spekullime dhe kanë siguruar se me presidentin serb kanë komunikim të mirë. Qëllimi i Vuçiq, siç thonë këto burime, është që ma anë të kësaj partie që do të kontrollohej plotësisht nga ai, të marrë pjesë në qeveri si në rastin e Kosovës, dhe të ketë ndikim në rrjedhat politike në Mal të Zi.