Omer Bajraktari votoi për Zgjedhjet Parlamentare në Qendrën e Votimit nr. 3 të Ulqinit. Në prononcimin e tij për TV TEUTA ai ju bëri thirrje gjithë qytetarëve që të ushtrojnë të drejtën e tyre kushtetuese për të shprehur me votë vullnetin për të mbështetur zhvillimet pozitive në Ulqin dhe Mal të Zi.

“Njëheri pikë së pari ftoj të gjithë qytetarët që ta shfrytëzojnë të drejtën e votës të cilën e kanë sot në zgjedhjet parlamentare. Është më të vërtetë një ditë e rëndësishme si për qytetarët e komunës së Ulqinit ashtu edhe për të gjithë qytetarët e Malit të Zi. Mendoj se në Ulqin këto zgjedhje kanë një rëndësi të madhe sepse Ulqini ka filluar tashmë një kohë të re, një epokë të re të zhvillimit dhe mendoj se për qytetarët e komunës së Ulqinit është shumë e rëndësishme që ato me votën e tyre të tregojnë që këtë rrugë të duhur në të cilën gjendemi ta vazhdojmë të gjithë së bashku”, u shpreh ndër të tjera Bajraktari.