Vogëlushja 5 vjeçare nga Rozhaja e cila ndodhej në spitalin e Podgoricës për shkak se ishte trajtuar me etiol kundër morrave, ka ndërruar jetë gjatë natës së kaluar, është konfirmuar nga spitali. Vogëlushja ishte sjellur në spital në gjendje të rëndë  dhe gjendja e saj , megjithë përkushtimin e mjekëve , muk arriti të përmirsohej.

Organet kompetente kanë njoftuar fillimin e hetimeve për ngjarjen , kurse nga spitali kanë apeluar tek qytetarët që të mos perdorin pesticide për trajtimin e njerëzve, pasi ato janë mjaft të rrezikshëm. Mjekët thonë se ngjarje të tilla janë të shpeshta, sidomos në veri të vendit,  pasi njerëzit vazhdojnë të jenë të painformuar për mënyrat se çfarë trajtimi nevojitet në raste të tilla.