Dëshmitarët dhe të dhunuarit nga policia në lokalin “Di Trevi” në Ulqin në vitin 2017, dje kanë dëshmuar në gjykatë kundër policëve të akuzuar për ushtrimin e dhunës së tepruar ndaj tyre. Ato kanë deklaruar se policët Vlladimir Bakoviq, Zoran Miliqeviq dhe Goran Shqepanoviq  pa arsye i kanë goditur gjatë kontrollit me çrast u kanë shkaktuar edhe lëndime të lehta trupore. Policët i kanë mohuar akuzat, edhe pse më herët e kanë pranuar fajin në këmbim të lirisë me kusht, marrëveshje e cila u hodh poshtë nga Gjykata e Apelit. Sipas tyre, kontrolli ka qenë i nxitur nga një sulm i disa të dyshuarëve ndaj kolegut të tyre Safet Metanoviq, por nga policët nuk kanë pasur sqarim se pse personat nuk janë arrestuar dhe proceduar sipas rregullave.