Kryetari I Lidhjes Demokratike në Malin e Zi, Mehmet Bardhi ka uruar ambasadorin gjerman në Podgoricë me rastin e 25- vjetorit të ribashkimit të Gjermanive. Ndër të tjera, Bardhi shkruan se ribashkimi Gjermanisë dëshmoi qartë se demokracia dhe sundimi i ligjit janë garantuesit e paqes, stabilitetit dhe prosperitetit dhe se rrjedhat e bashkimit kombëtar janë të natyrshme dhe të pandalshme. Shqiptarët në trojet e veta styrgjyshore, sot në Malin e Zi, po edhe kudo që janë, në shtetin amë, në trojet apo në diasporë, këtë e ndiejnë më së miri, sepse shpërndarjen, ndarjen, ndjekjet dhe përndjekjet në format më të ndryshme i përjetuam me dekada e që po i përjetojmë edhe sot.