Implementimi i modelit me lista të hapura zgjedhore është modeli më i mirë i sistemit zgjedhor, kanë vlerësuar nga lëvizja qytetare URA dhe kanë përkujtuar se këtë model e mbrojnë prej themelimit të partisë. Ata thonë se implementimi i këtij sistemi do të thotë përkrahje të drejtë për drejtë ndaj procesit demokratik zgjedhor, si dhe  do të dobësohej shteti partiak, pasi do të promovoheshin kuadro të rinj dhe cilësor. Po ashtu, kjo do të nxiste deputetët që të luftojnë për vota dhe do të kushtëzonin shkallë më të lartë të demokracisë së drejtë për drejtë, çka në fund të fundit është edhe qëllimi i sistemit demokratik, kanë thënë në URA.