Bojkoti i nxënësve në paralelet e ndara të shkollës fillore “Mahmut Lekiq” në Tuz, në Sukruq dhe Vuksanlekaj, ka përfunduar pasi ministria e arsimit ka pranuar të miratojë kërkesën e prindërve. Deri tek bojkoti erdhi pasi prindërit nuk ishin dakord me mësimin e kombinuar të caktuar nga ministria në këto dy shkolla dhe për këtë filluan bojkotimin e mësimit. Në takimin e prindërve me ministrin e arsimit Damir Shehoviq, u vendos që vendimi të anulohet dhe mësimi të mbahet ashtu si edhe vitin e kaluar.