Dy persona u vranë sot dhe gjashtë të tjerë u plagosën, pasi pesë raketa të lëshuara nga veriu i Sirisë goditën rrethin kufitar Karkamis në Turqi, bëjnë me dije autoritetet vendase. Sipas raportimeve, raketat goditën një shkollë, dy shtëpi dhe një kamion pranë kufirit turko-sirian. Raketat u hodhën nga zona e Kobanit të Sirisë, e kontrolluar nga milicia kurde IPG, raportoi Reuters. Pas një sulmi me bombë të 13 nëntorit në Stamboll, që vrau gjashtë persona dhe për të cilin Presidenti turk Rexhep Tajip Erdogan fajësoi kurdët sirianë, Ankaraja tha se do të vazhdonte një operacion në veri të Sirisë kundër militantëve të Partisë së jashtëligjshme të Punëtorëve të Kurdistanit. Turqia deri më tani ka kryer tre sulme në veri të Sirisë kundër milicisë kurde siriane (IPG), për të cilën ajo thotë se është një krah i Partisë së Punëtorëve të Kurdistanit të jashtëligjshme. Sulmet erdhën pasi Turqia pretendoi se bombardimi në Stamboll ishte urdhëruar nga qyteti sirian Manbij.