Një tërmet me magnitudë 3.1 ballë të shkallës Rihter, është regjistruar pasitën e sotme në lindje të qytetit të Kavajës.

Sipas të dhënave të publikuara nga Qendra për Informim rreth Tërmeteve në Evropë (CSEM) lëkundjet sizmike janë ndjerë rreth orës 16:56 dhe janë regjistruar rreth 10 km në lindje të qytetit të Kavajës.

Thellësia e tërmetit ka qenë 27 km, ndërkohë që nuk raportohet për dëme materiale.

Kujtojmë se më 26 nëntor të vitit 2019, mbi 50 persona humbën jetën tragjikisht pas një tërmeti shumë të fortë që goditi vendin, me epiqendër Thumanën.