Srzentiq-Cungu: Të vazhdohet bashkëpunimi i mirë
Prej tvteuta10:09, 24 Janar 2017
Kryetari i Komunës së Tivarit Zoran Srzentiq priti dje në takim homologun e tij nga Ulqini Nazif Cungun, me të cilin diskutuan për vazhdimin e bashkëpunimit të mirë në mes dy komunave, njofton portali Barinfo.
Në takim u bisedua në lidhje me përgatitjet për sezonin turistik, problemet në furnizimin me ujë, si dhe për çështjet e hedhjes së mbeturinave dhe deponinë rajonale Mozhura.
Gjithashtu u këmbyen infomracione edhe për gjendjet financiare dhe ekonomike të të dy komunave. Të dy kryetarët kanë caktuar takimin e rradhës me 2 shkurt në Ulqin, në të cilin do të marrin pjesë edhe krerët e sekretariatëve dhe drejtorët e ndërmarrjeve komunale.