Kreu i Partisë Demokratike të Kosovës, Hashim Thaçi, ka arritur ta zvogëlojë numrin e deputetëve kundërshtues të Gjykatës Speciale.

Gazetat e sotme të Prishtinës marrin vesh se nga 10 deputetët e PDK-së që nuk i thanë po Speciales, të paktën shtatë prej tyre mund të ndryshojnë qëndrim pas “thirrjes” së fundit që u ka bërë shefi i partisë. Ky është numër i mjaftueshëm për t’i bërë 80 votat e mjaftueshme për t’u miratuar amendamenti kushtetues.