Shqiptarët kudo që ndodhen sot me 7 mars festojnë Ditën e Mësuesit. Zanafilla e kësaj feste është me 7 mars të vitit 1887, kur në Korçë u hap Mësonjëtorja kombëtare shqipe nën udhëheqjen e Pandeli Sotirit. Në këtë ditë të rëndësishme të arsimit shqiptar, kujtohen me respekt të thellë veprat e ndritura të mësuesve dhe patriotëve të shquar, që punuan me përkushtim dhe bënë sakrifica të mëdha për zhvillimin e arsimit kombëtar.