Tifozët e Lyonit kanë hyrë në fushë në Paris dhe janë krijuar skena të frikshme, duke kthyer imazhin e frikshëm të dhunës në Francë nëpër stadiume të futbollit. Lojtarët janë larguar nga fusha për ta shmangur çdo problem të mundshëm.

Në Kupën e Francës, skuadra e elitës së futbollit francez udhëtoi në “Stade Charlety” për t’u ballafaquar me Paris FC, por ndeshja nuk shkoi mirë që nga vërshëllima e parë e gjyqtarit. Disa tifozë janë parë teksa përleshen mes vete në tribuna. Dhuna vazhdoi edhe në fushë ku tifozët arritën të futeshin brenda, derisa lojtarët janë nisur në zhveshtore.