Papunësia në Mal të Zi po arrin dita ditës shifra alarmante. Sipas të dhënave të fundit të Entit për punësim, 50.310 qytetarë janë të papunë kurse shkalla e papunësisë në janar të vitit arriti në 21.68 për qind, ndërsa në të njëjtën periudhë të vitit të kaluar ishte 17.5 për qind . Norma më e lartë, 32.7 për qind, është regjistruar në korrik të vitit 2000, ndërsa më e ulëta ishte në gusht të vitit 2009, 10.1 për qind. Që nga fillimi i këtij viti, siç vuri në dukje Enti, janë shpallur 613 vende të lira pune.