Eksperti për politikat ballkanike dhe profesor në univerzitetin “John Hopkinks” Daniel Server, thotë se Amerika nuk do ta përkrah asnjëherë bojkotin pasi ai është kundërproduktiv dhe nuk i shërben demokracisë. Opozita është e rënësishme për proceset demokratike por vetëm kur vepron brenda institucioneve të sistemit dhe jo jashtë tyre, thotë Server, duke arsyetuar me këtë edhe thirrjen e zv.presidentit Pence që opozita të kthehet në Kuvend. Ai shtoi se Rusia do të vazhdojë me tentativat që të ushtrojë ndikim në rajon, por përveç destabilizimit , ajo nuk ka çfar tu ofrojë vendeve ballkanike, prandaj orientimi i tyre drejt antarsimit në NATO është më se i arsyeshëm.