Ministria e Punëve të Brendshme të Serbisë këtë të premte ka njoftuar se për shkak të përmbytjeve dhe reshjeve të dendura të shiut janë 37 qytete dhe fshatra që janë në rrezik përmbytje.

Deri më tani mediat shkruajnë se janë evakuar 75 persona.

Sipas mediave vendore situata momentalisht është më kritike në Jagodinë, Tërstenik, Brus, Kosjeriq, Sokobanjë, ku lumenjtë kanë dalë nga shtrati dhe se përmbytja është duke lëvizur në drejtim të Kurshumlisë, Prokuplës dhe Doljevcit.

Ndërkohë Instituti Hidrometeorologjik paralajmëroi këtë të premte se do të vijojnë reshjet e dendura të shiut në Serbi, të cilat do të rrisin nivelin e ujit në lumenjtë Mlava, Pek dhe Crni Timok përtej barrierave të lumenjve.