Schouten fiton tjetër medalje të artë
Prej tvteuta15:55, 19 Shkurt 2022
Irene Schouten e Holandës e ka fituar edhe një medalje të artë, të tretën në Lojërat Olimpike Dimërore të Pekinit.
Ajo ishte më e shpejtë se kanadezja Ivanie Blondin.
Në ngjarjen e fundit të garës në patinazhin e shpejtë në Lojërat Dimërore, Schouten ishte për 0.06 sekonda më e shpejtë se kanadezja që mori medaljen e argjendtë.
Schouteni kishte triumfuar edhe në garën 3 mijë metra dhe 5 mijë metra.
E bronzta në këtë garë i takoi italianes Francesca Lollobrigida.
Holanda prinë në garën e shpejtësisë në patinazh me gjashtë medalje të arta dhe 12 medalje në total.
SHBA-ja e përfundoi me tri medalje, që ishte paraqitja më e mirë prej vitit 2010.