Majka tri djevojčice, Irme, Ilde i Ine, žena hrabrost, borac, influenserkai humanitarac, i predsjednica prvog Udruženja djece sa Daunovim sindromom „Ljubav za ljubav“, Sara Bero, gostovala je u jutarnjem programu TV Teuta,gdje je uživo otkrila neke interesantne detalje iz svog života.

Kao jako mlada majka, suočila se sa teškim životnim odlukama i putem, Sara je široj javnosti postala poznatija kao majka dvije djevojčice sa Daunovim sindromom. Mnogima je uzor, ali kaže da je na tom putu često bilo sputavanja. Iako je ženska solidarnost danas mnogo jaka, kaže da su joj ipak, najveće kritike i zlonamjerni komentari upravo stizali od žena.

„Žena ženi treba da bude podrška, bile bi mnogo jače kada bi bile zajedno a ne da jedna drugoj postavljamo noge. Nikada neću biti jadnica koju će žaliti, nego neko kome će se diviti. Ljudi vas jednako potcjenjuju i upućuju zlonamjerne komentare i kada ste dotjerani i kada to niste, uvijek će vam neko naći neku manu.  Predrasuda ima, ali ako se bavite nekim javnim poslom na to ćete naići“, kazala je Sara.

„Ljudi  i okolina ne prihvataju olako uspjeh jedne žene  i često se traži razlog zašto je ona uspješna i kako je ona do toga stigla. Nažalost, takva smo sredina i nadam se da će žene u budućnosti biti mnogo srećnije i da će se baviti svojim uspjehom, i za njega se treba boriti“, zaključuje Sara, dok preostali dio intervjua možete poslušati na ovom linku.

https://www.youtube.com/watch?v=1Hd96p6rNpU 

Stanka Vukčević