Megjithëse ka një rritje të vazhdueshme të numrit të qytetarëve që do të vaksinohen kundër koronavirusit, shqetësimet se vaksina ka kaluar nëpër prova klinike shumë të  shpejta dhe shqetësimet për efektet e mundshme anësore janë dy arsye kryesore pse qytetarët malazezë hezitojnë në lidhje me imunizimin kundër Kovid-19 .

Këto të dhëna janë  rezultat i hulumtimit të fundit që Ipsos zhvilloi në Mal të Zi, me mbështetjen e Ambasadës Britanike në Podgoricë dhe UNICEF. Situata është e ngjashme në vendet e tjera të botës. Këto të dhëna tregojnë qartë nevojën që ekspertët e shëndetit publik të kenë vazhdimisht një diskutim të bazuar shkencërisht në lidhje me vaksinat e koronavirusit, sipas kreut të zyrës së UNICEF të Malit të Zi, Juan Santander. Ambasadorja britanike në Mal të Zi, Karen Maddox, siç thuhet në deklaratën e përbashkët, pajtohet me Santander dhe thekson rolin e rëndësishëm të autoriteteve shëndetësore, të tilla si Qendra Klinike e Malit të Zi, Instituti i Shëndetit Publik dhe Ministria e Shëndetësisë. Deklarata kujton se secili vend ka organe rregullatore që monitorojnë sigurinë dhe efikasitetin e vaksinës përpara se të aprovohet përdorimi i saj i gjerë, dhe se në të gjithë botën Organizata Botërore e Shëndetësisë (OBSH) koordinon punën e një numri organesh teknike të pavarura që rishikojnë sigurinë e vaksinave para prezantimi i tyre. por edhe pas kësaj. “Vaksinat e aprovuara për përdorim nga OBSH kanë kaluar teste rigoroze dhe prova klinike për të provuar se ato janë të sigurta dhe efektive në kontrollimin e sëmundjes. , thuhet ndër të tjera në deklaratë.