Reali fiton me përmbysje të rezultatit
Prej tvteuta12:55, 12 Mars 2023
Real Madridi ka fituar me përmbysje të rezultatit ndaj Espanyolit, në kuadër të xhiros së 25-të të La Ligas spanjolle.
Madrilenët të shtunën gjatë ditës fituan në “Santiago Bernabeu” me rezultatin 3:1.
Në minutën e tetë, mysafirët kaluan në epërsi me golin e Joselut. Por goli i bukur i shënuar nga Vinicius Junior në minutën e 22-të, i barazoi shifrat në 1:1. Në minutën e 39-të, Eder Militao kaloi në epërsi vendësit me asistim të Aurelien Tchouamenit. Golin vendimtar në këtë fitore e shënoi Marco Asensio, në minutën e tretë të kohës shtesë.
Pas 25 ndeshjeve të luajtura, Real Madridi ka grumbulluar 56 pikë. Espanyoli ka 27 pikë.