Pas njoftimit të arkitektes e aktivistes për ruajtjen e mjedisit Zenepe Lika se një nga peizazhet më të bukura të Ulqinit, i njohur me emrin Pylli i pishave po përgatitet për ndërtime, kanë pasuar reagime të ashpra.Ish Sekretari i Shtetit për Ekologjinë Danillo Mrdak beson se Pylli i pishave në Ulqin është prerë në mënyrë të planifikuar, dhe kjo nuk ka qenë e mundur të bëhet pa mbështetjen e autoriteteve lokale e shtetërore. Ai thotë se është fakt i padiskutueshëm që Mali i Zi duhet të zhvillohet, por për këtë duhet të ketë gjithashtu një kompromis midis zhvillimit dhe asaj që ne dëshirojmë të lëmë për brezat e ardhshëm.