Qeveria e Malit të Zi në seancën e sotme duhet të zgjedhë ushtruesin e detyrës së drejtorit të Drejtorisë së Policisë pasi Zoran Brgjanin është shkarkuar nga ajo pozitë për herë të tretë.

Kandidatët për ushtrues detyre të drejtorit të Drejtorisë së Policisë janë Aleksandar Radoviq, Llazar Shqepanoviq, Millutin Vasileviq, Zoran Braunoviq, Millosh Pekoviq, Petar Shestoviq dhe Millentije Doderoviq.

Në përfundimin e Qeverisë saktësohej se Ministri i Punëve të Brendshme, Danillo Sharanoviq, duhet të dorëzojë raport për ftesën publike për mbledhjen e cila fillon në ora 15, si dhe listën e të gjithë aplikantëve, pas së cilës, me propozimin e tij, Qeveria do të emërojë një ushtrues detyre drejtor policie.

Ministri i Punëve të Brendshme, Danillo Sharanoviq, ftoi të gjithë policët e interesuar që plotësojnë kushtet që deri më 10 mars të dorëzojnë aplikacione për ushtrues detyre të drejtorit të Administratës Policore.

Të martën, më 12 mars, në mesnatë i skadon mandati Zoran Brgjanin, drejtorit aktual të Drejtorisë së Policisë.

Brgjanin paraprakisht kishte deklaruar se vendimi i Qeverisë për shkarkimin e tij ishte i paligjshëm dhe paralajmëroi një padi të re.

Lëvizja Evropa Tani dhe Demokratët prej disa muajsh nuk arrijnë të bien dakord për një kandidat për drejtor të Drejtorisë së Policisë.

Boris Bogdanoviq, kryetar i Klubit të deputetëve të demokratëve, para seancës së sotme të Qeverisë ka deklaruar se partia shpreson që asnjë nga anëtarët e Qeverisë të mos jetë i gatshëm të hyjë në zonën e përgjegjësisë penale.