Pas seancës së Këshillit të Sigurisë Kombëtare, kryeministri Dritan Abazoviq tha se publiku mund të flejë i qetë dhe se autoritetet kanë bërë një punë të mirë. Në interes të hetimeve, ai nuk mund të thotë se nga janë personat e dyshuar për hapjen e tunelit.

“Nuk kam pritur se do ta zgjidhim këtë shpejt, por Drejtoria e Policisë së bashku me operativët i kanë përfunduar të gjitha punët me shpejtësi”, tha Abazoviq pas seancës.

Ai mendoi se shumë gjëra tashmë janë zgjidhur.

“Situata ndryshon nga ora në orë. Dua të them që njerëzit e UP-së dhe organeve tjera kompetente i marrin me shpejtësi të gjitha aktivitetet, por edhe ANB-ja”, tha Abazoviq.

Ai thotë se është bërë një punë e mirë.

Publiku mund të jetë shumë i qetë”, tha Abazoviq.

Ai tha se ka njerëz që duan të mbulojnë urdhëruesit e vrasjes së Dushko Jovanoviqit.

Zbardhja e kësaj vrasjeje do të japë përgjigje për shumë vepra kriminale që kanë ndodhur më pas në Mal të Zi”, ka thënë Abazoviq dhe ka theksuar se ky është qëndrimi i tij personal.

Ai tha se kjo qeveri e ka riaktivizuar rastin dhe se mbeten të përkushtuara për zgjidhjen e këtij problemi.

Ai tha se nuk kanë informacion se pushka me të cilën u vra Dushko Jovanoviq është zhdukur.

“Do të kërkojmë riekzaminimin e pushkës që u përdor në vrasjen e Dushko Jovanoviqit”, tha Abazoviq.