Konfirmimi i rezultateve të arritura të Malit të Zi në Konferencën Ndërqeveritare të mbajtur është shenjë se pas stagnimit, procesi integrues evropian i vendit tonë ka marrë një dinamikë të re, të intensifikuar, tha presidenti i Malit të Zi, Jakov Millatoviq.

Ai tha në rrjetin X se një hap i rëndësishëm përpara në proceset reformuese vjen si rezultat i një konsensusi të gjerë politik dhe konfirmon pjekurinë demokratike se çështjet kyçe me rëndësi publike janë prioritet i subjekteve politike.

“Më vjen mirë që historia për integrimin e Malit të Zi në BE, në vend të skepticizmit dhe premtimeve të paqarta, po bëhet histori për adoptimin e vlerave evropiane dhe ndërtimin e institucioneve demokratike”, tha ai.