Sot policia e Ulqinit ka arrestuar vendasin G.Gj , si të dyshuar për bashkëpunim me vrasësit e mësueses në pension Stana Bozhoviq. Autorër e vrasjes janë arrestuar para dy ditëve  nga policia e Shkodrës, dhe është në procedurë ekstradimi I tyre. Dy të miturit Albert Prengu dhe Armando Pjetri, si dhe 27-vjecari Adrian Pjetri nga Kruja, akuzohen se në shtator të këtij viti, me qëllim grabitjen, kanë hyrë në shtëpinë e mësueses në pension Stana Bozhoviq në Meteriz. Gjatë grabitjes mësuesja ka mbetur e vdekur, kurse autorët janë larguar përtej kufirit. Nga policia akoma nuk ka informata të hollësishme në lidhje më implikimin direkt apo indirekt të bashkëpuntorit në vrasjen e mësueses.