Deputetja e Partisë Socialdemokrate Draginja Vuksanoviq Stankoviq, ndodhet nën masat e sigurisë së shtuar pasi Drejtoria e Policisë ka të dhëna se ndaj saj është planifikuar sulm me prapavijë politike, njoftoi Pobjeda.

Pas njoftimit menjëherë kanë ardhur edhe dënimet nga ana e klubit të grave të Kuvendit të Malit të Zi, si dhe nga subjektet e ndryshme politike, të cilët i kanë dhënë përkrahje deputetes Vuksanoviq Stankoviq. Kjo nuk është hera e parë që ajo ndodhet në shënjestër rë sulmeve me prapavijë politike, por deri tani ato ishin të përqendruar në rrjetet sociale.