Aktuale Më shumë

Pele do të qëndrojë në spital edhe për disa ditë

Prej tvteuta15:54, 10 Dhjetor 2021

Legjenda e futbollit brazilian, Pele, ka thënë se do të qëndrojë në spital edhe për disa ditë, pasi është duke iu nënshtruar kimioterapisë pas heqjes së tumorit në në zorrën e trashë.

Tri herë fituesi i Kupës së Botës u pranua në spitalin “Albert Einstein” në Sao Paulo të mërkurën.

81-vjeçari u operua dhe e hoqi tumorin në muajin shtator.

“Sot jam në ‘Albert Einstein’ duke e bërë tretmanin e fundit mjekësor për vitin 2021”, ka shkruar Pele në “Instagram”.

“Dua ta ndaj këtë arritje me ju. Pas të gjithave, çdo fitore e vogël është arsye për të festuar”, ka shtuar ndër të tjera Pele.

Pele është golashënuesi më i mirë i Brazilit me 77 gola në 92 ndeshje. Është njëri nga katër futbollistë që ka shënuar në katër Kupa të Botës.

  • 1

    Radio