Drejtori politik i Partisë Demokratike të Socialistëve Tarzan Millosheviq, ka deklaruar se kjo parti është çdo moment e gatshme të shkojë në zgjedhje, pa marrë parasysh nëse ato do të mbahen në qershor apo tetor.

Duke komentuar kërkesën e opozitës që zgjedhjet të mbahen me 16 tetor, Millosheviq tha se ato janë të sigurtë në rezultat të mirë, dhe se data e zgjedhjeve nuk luan rol në të. Ai shtoi se fokusi i opozitës nuk duhet të jetë në postet qeveritare por në realizimin e zgjedhjeve të barabarta dhe të pranueshme për të gjithë.