Partia Demokratike e Socialistëve do të paraqesë nismë për shkarkimin e kryetarit të Kuvendit Andrija Mandiq sapo të vlerësojë se ka mundësi për zbatimin e saj, tha kreu i Klubit të deputetëve të PDS-së së Malit të Zi Andrija Nikolliq. Ai thotë se dje, duke shfaqur trengjyrëshën në kabinetin e tij, kur priti në Kuvend mitropolitin e Kishës Ortodokse Serbe, Joanikie, Mandiq tregoi se punon për interesat e një shteti tjetër.

“Nëse shumica parlamentare do të kishte respektuar ligjin, Andrija Mandiq nuk do të mund të bëhej kurrë kryetar i Parlamentit të Malit të Zi, sepse ai nuk ka nënshtetësi ligjore të Malit të Zi”, tha Nikolliq.

Ai pretendon se Mandiq tashmë në selinë zgjedhore të SNS-së në Beograd pas zgjedhjeve, ka treguar se punon për interesa të një shteti tjetër.

“Që nga dita e marrjes së detyrës poshtëron Malin e Zi, duke u paraqitur si pjesë e selisë zgjedhore të partisë politike të punëdhënësit në një shtet tjetër, ndërsa dje me vendosjen e këtij flamuri tregon se është ulur në Parlamentin e Malit të Zi por se punon për interesa të një vendi tjetër.Veprimtarinë parlamentare të Mandiqit e ka vlerësuar edhe mysafiri i tij”, thotë Nikolliq.

Nikolliq shton se nuk ka dyshim se duke futur ilegalisht një flamur të dytë në kabinetin e tij, përveç atij kombëtar, si dhe duke thënë se kisha krijoi Malin e Zi, Mandiq donte ta kthente tempullin e demokracisë malazeze në një bastion të Madh Nacionalizmi serb.

Gjithçka e përmendur më lart është arsye e mjaftueshme për të kërkuar largimin e tij dhe për këtë të votojnë edhe ata që e kanë zgjedhur. Këtë iniciativë do ta paraqesim shumë shpejt, në momentin kur të vlerësojmë se ka mundësi për realizimin e saj”, ka thënë Nikolliq.