PDS dhe URA kundër mënyrës së festimit të fitores në Tuz

Partia Demokratike e Socialistëve dhe Lëvizja Qytetare URA në deklaratat e tyre kanë analizuar festimet e qytetarëve pas fitores së Forumit Shqiptar në zgjedhjet e Tuzit. Nga PDS këto festime i kanë quajtur nacionaliste dhe të shëmtuara, kurse URA ka shkuar edhe më larg duke i quajtur fashiste, por duke fajsuar për këtë politikën e deritanishme të partisë së Gjukanoviq. Pas shpalljes së rezultateve të zgjedhjeve, të cilat ishin në favor të koalicionit shqiptar, në rrugët e Tuzit pati festime me muzikë dhe simbolet kombëtare shqiptare.