Paga mesatare pa tatime dhe kontribute në muajin prill në Mal të Zi, sipas të dhënave të Monstat, arriti në 786 euro dhe ishte 0.6 për qind më të larta se në muajin mars, dhe 11.2 për qind krahasuar me të njëjtin muaj të vitit të kaluar. Paga mesatare bruto ishte 978 euro.

“Nëse merret parasysh se çmimet e konsumit në muajin prill në krahasim me mars shënuan rritje prej 0,2 për qind, rezulton se pagat reale për të njëjtën periudhë shënuan rritje prej 0,4 për qind”, thuhet në njoftim.