Qeveria malazeze ka publikuar listën e pagave të zyrtarëve publikë për muajin janar të këtij viti, ku thuhet se kryeministri Zdravko Krivokapiq ka marrë pagë neto prej 2300 euro.Në të njëjtin raport thuhet se zëvendëskryeministri Dritan Abazoviq ka marrë pagën e janarit prej 1732 euro, ndërsa Sekretarja e     Përgjithshme e Qeverisë Zhana Prashçeviq Milaçiq fitoi 1503 euro.

Sipas një dokumenti të publikuar në faqen e Qeverisë së Malit të Zi, zëvendësi i saj Nikola Kandiq ka fituar 1448 euro në janar. Shefja e Kryeministrisë, Ivana Maloviq, ka marrë pagën e janarit prej 1478 euro, ndërsa këshilltari Dejan Abazoviq ka marrë rreth 1670 euro si kryeministër. Këshilltarja e kryeministrit për media, Ananije Jovanoviq kishte pagë 1410 euro në janar, ndërsa këshilltari i kryeministrit për sigurinë Vojo Lakoviq rreth 1740 euro. Kryenegociatorja e Malit të Zi me Bashkimin Evropian (BE), Zorka Kordiq, mori një pagë neto prej 1,650 euro në janar. Përfaqësuesja e Malit të Zi para Gjykatës Evropiane të të Drejtave të Njeriut në Strasburg, Valentina Pavliçiq, mori një pagë prej pak më shumë se 1000 euro në janar.