Në Ulqin këtyre ditëve pushojnë 53.378 mysafirë të regjistruar , ose 42 për qind më shumë se kah mesi i muajit gusht të vitit të kaluar, kanë kumtuar për media nga Organizatën turistike e qytetit. Edhe pse numri i vizitorëve ka pësuar rritje statistikore, shumica e ushtruesve të veprimtarive turistike janë të pakënaqur me sezonin turistik dhe shpresojnë se zgjatja e tij do të kontribuonte  në përmirësimin e rezultateve të përgjithshme të sezonit të sivjetëm.