Direktor Osnovne škole „Boško Strugar“ Miodrag Andrović u razgovoru za TV Teuta kazao je da je zadovoljan ostvarenim uspjehom đaka koji su ostvarili tokom školske 2017/18 godine. Od 412 đaka njih dvadeset dva polagaće popravne ispite, od toga većinu u junu mjesecu.

„Što se tiče uspjeha u višim razredima, 139 đaka imalo je odličan uspjeh, 74 vr. dobar, 43 dobar i 4 đaka su ostvarili dovoljan uspjeh. Iz devetih razreda ukupno je bilo devet lučonoša“, kazao je Andrović.

Iako je upis u prve razrede ove godine krenuo nešto kasnije uslijed izmjene Zakona o upisu đaka u određenim gradskim zonama, direktor Andrović tvrdi da se roditelji oglušuju o molbe i upozorenja kojima se pozivaju da djecu upisuju u škole blizu mjesta stanovanja.

„Imamo probleme sa roditeljima koji svoju djecu uporno žele da upišu u drugu školu uprkos tome što im je naša škola bliža. Ukoliko ne dođe do dogovora, moraćemo primjenjivati druge metode“, zaključuje Andrović.