Zëvendëskryetari i Këshillit të Ministrave të Bosnje Hercegovinës, Stasha Kosharac, i ka dërguar një letër ministrit të Jashtëm të Malit të Zi, Filip Ivanoviq, në të cilën thekson se nota protestuese e dërguar nga ministri Elmedin Konakoviq nuk përfaqëson qëndrimin zyrtar të Presidencës të Bosnjë-Hercegovinës, konfirmoi Këshilli i Ministrave për Portalin RTMZ.

“Me këtë rast, si nënkryetar i Këshillit të Ministrave të Bosnje-Hercegovinës, ju njoftoj se nota e protestës dërguar Malit të Zi nga Ministri i Punëve të Jashtme të Bosnjë-Hercegovinës, Elmedin Konakoviq, thuhet në deklaratën në media, nuk përfaqëson qëndrimin zyrtar dhe të dakorduar të Presidencës së Bosnje-Hercegovinës, si dhe autoritetin kushtetues për zhvillimin e politikës së jashtme, si dhe Këshillin e Ministrave përgjegjës për zbatimin e politikave dhe vendimeve të Bosnje-Hercegovinës. Shkrimi dhe dërgimi i pikëpamjeve personale politike në emër të Bosnjë-Hercegovinës është uzurpim dhe shpërdorim i autoritetit, për të cilin si zëvendëskryetar kam pasur nevojë dhe detyrë t’ju informoj”, thuhet në letrën e Kosharac drejtuar ministrit Ivanoviq.

Ministri i Punëve të Jashtme të Bosnjë dhe Hercegovinës (BiH) Elmedin Konakoviq i dërgoi një notë proteste Malit të Zi për shkak të “deklaratave kontroverse të kryetarit të Kuvendit Andrija Mandiq se Parlamenti Gjithëserb është një tubim i dy shteteve”.

“Edhe pse jemi mësuar prej tij, pavarësisht se ai vazhdimisht sillet kështu, ne vazhdimisht do të reagojmë ndaj përpjekjeve për të sulmuar rregullimin kushtetues të Bosnje Hercegovinës”, tha Konakoviq për Agjencinë Federale të Lajmeve (FENA).

Parlamenti gjithëserb u mbajt më 8 qershor në Beograd dhe në seancën e përbashkët të qeverive të Serbisë dhe Republika Srpska u miratua Deklarata për mbrojtjen e të drejtave kombëtare dhe politike dhe të ardhmes së përbashkët të popullit serb.

Konakoviq tha se “Parlamenti gjithëserb është një gjë shumë e rrezikshme” dhe se mesazhet nuk janë aspak naive.