Bordi Komunal i PDS-së Andrijevicë njoftoi se një anëtar i Komisionit Komunal të Zgjedhjeve (KKZ) mbrëmë ka tentuar të hyjë në objektin e Komunës. Ata i bëjnë thirrje prokurorisë që të veprojë me urgjencë pasi siç shprehen në njoftim, hajdutët janë gati të shkatërrojnë fletët e votimit për të shpëtuar mandatet.

“Ne tërheqim vëmendjen e opinionit publik, e veçanërisht të organeve kompetente, se në Andrijevicë tentohet vjedhja dhe modifikimi i materialeve zgjedhore nga përfaqësues të koalicionit të përbërë nga SNP dhe DCG. Sonte, Dushko Stojanoviq, sekretar i sekretariatit në administratën lokale dhe anëtar i KKZ-së, është penguar nga policia të hyjë në objektin e Komunës. Edhe kështu, gjatë natës, deri në orën 04:00, Stojanoviqi vërtitej nëpër ndërtesën e Komunës, duke u përpjekur të futej në dhomat ku ishin materialet zgjedhore, me arsyetimin se “dëshironte të ndezte dritën në dhomë”.Sot në seancën e Komisionit Komunal të Zgjedhjeve ka kërkuar nga anëtarët e tjerë që ta mohojnë këtë incident dhe i ka shantazhuar duke iu mohuar ndoshta kuorumin”, thuhet në deklaratën e PDS Andrijevicë.

Kjo ngjarje, siç shprehen ata, dëshmon se hajdutët e materialeve zgjedhore nuk heqin dorë nga rishikimi i vullnetit elektoral të qytetarëve dhe përpiqen me çdo kusht të qëndrojnë në kolltuqe.

Ata i kanë bërë thirrje prokurorisë që të heqë materialet nga video survejimi i ndërtesës së Komunës dhe t’i përgjigjet shkeljes së të drejtave zgjedhore që po ndodh prej dy netësh radhazi.

“Hajdutët e materialeve zgjedhore, të trullosur nga disfata që përjetuan dhe braktisja e sigurt e vendeve ku u ulën, me sa duket janë gati të bëjnë gjithçka, madje edhe të shkatërrojnë materialet zgjedhore për të qëndruar në pushtet edhe për disa ditë, “përfundon deklarata e PDS Andrijevicë.