Nënkryetari i Kuvendit të Malit të Zi, Genci Nimanbegu, tha për TV Teuta se është akoma heret të përcaktohet suksesi i formimit të Tuzit si komunë e pavarur, por fillimi duket i mbarë dhe vlerësimet e para janë pozitive. Në pyetjen se a mund të reflektohet bashkëpunimi i mirë i partive shqiptare në Tuz, edhe në Komunën e Ulqinit, Nimanbegu tha se këto dy treva në të kaluarën, edhe pse të ngjajshme, kanë pasur qeverisje të ndryshme, por nëse i jepet rëndësi përgatitjes dhe vullnetit të kuadrëve përpara interesave politike, atëherë kjo mund të arrihet, edhe pse skepticizmi tek qytetarët për një gjë të tillë është mjaft i lartë.