Nënkryetari i Kuvendit të Malit të Zi, Genci Nimanbegu, tha për TV Teuta se procedura e kthimit të ullishtës së Valdanosit është në vazhdim, kurse njoftoi se kjo çështje pranë kadastrit në Ulqin tashmë ka përfunduar. Ai tha se së shpejti pritet të sillet edhe vendimi i parë në drejtim të  kthimit të kësaj ullishte pronarëve të mëparshëm, gjë që sipas tij do të jetë një ditë e veçantë për të gjitha ata që me interes presin zgjidhjen e kësaj çështjeje.