Nënkryetari i Parlamentit dhe deputeti i Forcës Genci Nimanbegu gjatë pjesëmarrjes në Konferencën  e XVI-të e Kryetarëve të shteteve anëtare të Iniciativës Adriatiko-joniane theksoi se si çdo demokraci e re parlamentare edhe Mali I Zi ballafaqohet me sfida të shumta në procesin e ndërtimit të institucioneve demokratike, ku parlamenti si institucion demokratik dhe përfaqësues zë vend të rëndësishëm. “Parlamentet nuk janë vetëm për miratimin e ligjeve, ato kanë obligim që si shprehje e vullnetit sovran të qytetarëve të kontribuojnë në vazhdimësi stabilitetit politik dhe zhvillimit gjithpërfshirës  të bashkësive tona shoqërore si dhe të thellojnë marrëdhëniet bilaterale  dhe të përforcojnë bashkëpiunimin parlamentarë.

Konferenca e kryetarëve të Parlamenteve  të Nismës Adriatike-Jonike ka domethënie të posaçme, ndërsa takimet në kuadër të saj ndihmojnë prosperitetin në rajon”, vlerësoi Nimanbegu.

Ai poashtu tha se diplomacia parlamentare nuk e zëvendëson diplomacinë tradicionale të ​qeverisë, por paraqet avancim të saj , pasi që deputetët në raport me përfaqësuesit e qeverisë kanë qasje më fleksibile dhe një spektër të gjerë të mundësive në zbatimin e aktivizteteve diplomatike.

“Pasi Mali i Zi vlerëson detin Adriatik dhe atë Jonik si potencial të rëndësishëm  natyror, ekonomik dhe zhvillimor, ndërsa të ardhmen e vet e sheh në unitetin me shtetet tjera të Ervropës, dëshiroj të cek, se fuqimisht e mbështesim  stabilitetin në rajon dhe zhvillimin e marrëdhënieve të mira fqinjësore”, përfundoi Nimabegu në fjalimin e tij të rastit në këtë Konferencë.