Nga sot të gjitha llojet e karburanteve janë më të lira nga dy deri në shtatë cent, njoftoi Ministria e Energjisë dhe Minierave.

Kështu, Euro super 98 do të jetë 1,55 euro për litër, euro super 95 do të jetë 1,51 euro për litër, nafta për ngrohje 1,44 euro për litër dhe Eurodieseli -1,48 euro për litër.

“Sipas përcaktimeve të Rregullores për mënyrën dhe nivelin e elementeve në bazë të të cilave formohen çmimet maksimale të derivateve të naftës, llogaritja e radhës do të bëhet më 4 dhjetor dhe çmimet e ndryshuara të mundshme të derivateve të naftës do të jenë e vlefshme nga data 5 dhjetor”, thuhet në njoftim.