Edhe natën e dytë rreth 100 nëna që protestojnë kundër uljes së kompensimeve, e kanë kaluar atë para Kuvendit të Malit të Zi. Ato i kanë bërë thirrje Gjykatës Kushtetuese që të deklarohet, kurse deputetëve që kanë votuar për uljen e tyre që të japin dorëheqjen. Përfaqsuesja e tyre Zheljka Savkoviq, ka thënë se ato nuk do ta ndalin protestën edhe pse është paralajmëruar mot me reshje. Ato kanë lejen e protestës deri me 7 mars, por kanë njoftuar se do të kërkojnë shtyrjen e këtij afati.